الخميس، 13 نوفمبر 2008

ملوخيه تاني

بناء علي طلب الاخ عمرو هنعمل ملوخيه ناشفه وبالارانب حسب طلب الاخ م/بدون عنوان
المقادير
********
ارنب مغسول بالملح والدقيق والخل جيدا-فلفل اسود-لوري-حبهان-مستكه-جزرتين-بصله مبشوره-كسبره ناشفه-4فصوص توم-ملح-3معالق سمن -2حزمة سلق اخضر-ربع كيلو ملوخيه ناشفه
الطريقه
********
ينقع الارنب في البصله المبشور والملح والفلفل من اليوم السابق في الثلاجه او قبل الطهي بساعتين
توضع 2معلقة سمنه في حله علي النار مع فصين المستكه وبعد ان تقدح نضع الارنب ونحمره جيدا في هذه الاثناء نكون بنغلي كميه من الماء
بعد التحمير نغمر الارنب المحمر بالماء المغلي في نفس الحله ونضع اللوري والحبهان والفلفل وباقي البصله المبشوره والجزر بعد غسله وتقطيعه قطع كبيره
ونترك الارنب يستوي وبعد السوا ننشله من الشوربه وكذلك الجزر
وبعد ان يبرد نحمره مره اخري في الزيت والسمن ويقدم مع الجزر والملوخيه
الملوخيه
*********
يغسل السلق جيدا وينزع الورق من الاعواد
يخرط مع الملوخيه الناشفه مع اضافت رشات خفيفه من الماء البارد حتي تصير الهيئه مثل الملوخيه الخضراء
تغلي شوربة الارنب ونضع بها خليط الملوخيه والسلق وتترك علي النار مع التقليب علي الا تغلي
في طاسه صغيره يوضع التوم المفروم والسمن وبعد قليل نضيف الكسبره الناشفه وعندما يصير اللون ذهبي تضاف للملوخيه
وطبعا تقدم مع الارنب مع رز ابيض
وبالهنا والشفا

هناك 10 تعليقات:

عمرو يقول...

متشكر يا شمس
معلومات جديده بالنسبه لى خاصة نقع الأرنب فى البصل قبل الطهى و كمان تحميره قبل سلقه
بالمناسبه عندى خبره كبيره فى تربية الأرانب البلدى و هو مشروع كويس أوى جدا خالص لو تم بشكل صح
المنيو أيه بكره يا شموس ؟ ههههه

Sweet Violet يقول...

احم احم

يعنى المشكله عندى كانت فى الملوخيه جبتى كمان أرانب )):

عموما انا منتظرة اللى انتى وعدتينى بيه (:

شمس النهار يقول...

*عمرو
الملوخيه الناشفه عجبتك
المنيو الجايه بشامل وشوربة كريمه وصينية فراخ

شمس النهار يقول...

*ضد التيار
معلش ده كان طلب لكن المره الجايه
بشامل وشوربة كريمه

من غير عنـــوان يقول...

ممكن تحري لي كبده الأرنب


متشكرين على العزومة يا حاجّه

تحياتي وأمنياتي


شكلنا حنطخن بعد موضوع المدونات ده

شمس النهار يقول...

*من غير عنوان
الحقيقه الراس والكبده وخلافه بوزعها عشان مابتتاكلش عندنا بس من عينيه
عجبتك الطريقه
بتعملوها كده برضه
والا بطريقه تانيه

صابر وراضى يقول...

وعليكم السلاااااااااااام
امممممممممممممممممممممممم
الحمد لله انك مش حطيتى صلصه
عموما الارانب روعه
مممممممممممممممممممممممممممم
بس حيث اننا دخلنا فى الارانب فمكن اسال سوال؟؟
فين الرز انتى عملتى بالشوربه كلها ملوخيه لكن فين الرز عاوزين رز

د/ رامي شهاب الدين يقول...

لا بقى حرام

كل مرة ملوخية

فين المكرونة إللى إتفقنا عليها؟


وشكراااااااا

شمس النهار يقول...

*صابر وراضي
انت بتحب الرز بالشوربه
بس ده بيبقي تقيل قوي
حاضر المره الجايه هنعملك رز بالشوربه
المهمالارانب كده عجبتك

شمس النهار يقول...

**د /رامي شهاب
حاضر من عينيه