الأربعاء، 19 نوفمبر 2008

الخرشوف

هنعمل خرشوف بالبشامل وكمان سلطة خرشوف وكمان بيكاتا صحيح هي مش مصري بس هي اللي بتليق مع الخرشوف
المقادير
*****خرشوف متنظف - بشامل(سبق تحضيره)-لحمه مفرومه(سبق تحضيرها)- ملح وفلفل اسود وبهارات وحبهان ومستكه - لحمه مقطعه مثل البوفتيك بس اصغر واتخن
دقيق -و2معلقة سمن- مشورم -بصله - فص توم-زيتون اسود مخلي- 1فلفل اخضر-كمون-ملعقة زيت-ليمونه
الطريقه
****يسلق الخرشوف ويحمر قليلا في السمن ويرص في صينيه بعد ان يحشي باللحمه المفروم و يصب البشامل فوقه ويزج في الفرن حتي يحمر وجهه
البيكاتا
*****تغطي اللحمه بالدقيق ونضع السمن في الصينيه ونحمر اللحمه فيها جيدا ثم نضيف الماء المغلي عليها والملح والفلفل الاسود والحبهان والمستكه والبهارات وتترك حتي يتم النضج وبعد النضج نضيف المشروم وبعد دقيقتين نرفعه من علي النار(ممكن ننقع اللحمه من قبلها في بصل متبل)
السلطه
*****يسلق الخرشوف ويقطع قطع صغيره نوعا ماوتقطع البصله حلقات ويرش عليها الملح والفلفل وتترك قليلا يقطع الفلفل الاخضر حلقات وتفرم التومه
في طبق صيني كبير(سولديره)يوضع الخرشوف ومعه الثوم والبصل والفلفل الاخضر والزيتون الاسود والملح والكمون والزيت ويقلب الجميع جيداويضاف الزيت وتقدم هذه السلطه مع التوست الساخن

وبالهنا والشفا

هناك 14 تعليقًا:

صابر وراضى يقول...

وعليكم السلااااااااام
عندى سوال واحد يعنى ايه خرشوف

ضد التيار يقول...

انا هاعمل مظاهره فى المدونه و هاقلب الدنيا فى المطبخ

انا عايزة حاجه حلوة بقى

عااااااااااااااااااااااااااااااااااا

و كمان انتى هاتسفرى و تسيبينى لوحدى ):

اعمليلى حاجه حلوة قبل السفر بقى

عاااااااااااااااااااااااااااااااااااااااااااا

انا مش بحب الخرشوف )):

انا عايزة حاجه حلوة

عااااااااااااااااااااااااااااااااااااااااااااااااااااااااااا

مولان يقول...

وانا وانا مش بحبه عااااااااااااااااااا


انا عاوزه حاجه حلوه

عاااااااااااااااااااااااا

انا بقي هفضل اعبط لحد اما تجبيلي حاجه حلوه


عاااااااااااااااااااااا

عمرو يقول...

يااااااه دى مفاجأه فعلا !!
بس معلش نسيتى تقوليلنا اٍزاى نجهز الخرشوفه نفسها للحشو
بس متشكر و الله على الخرشوف أنا بأحبه أوى

شمس النهار يقول...

*صابر وراضي
السلااااااااااام عليكم
تصدق ان المطبخ ده لو اتقفل هيكون علي ايد حضرتك
طب اعملك ايه
انت ليه سميت نفسك صابر وراضي
انت كده مش راضي عن المطبخ بتاعي خالص
هشوف مدون خريج زراعه يقول لنا يعني ايه خرشوف
من عينيه حاااااااااااااااضر

شمس النهار يقول...

*ضد التيار
ماتعيطيش ياحبيبتي
حاضر هعملك حاجه حلوه بس انا مابعرفش اعمل حلويات
يادوب اعمل كيكه بس كويسه الحمد لله
اعمل ام علي جاهزه
حاولت كتير اتعالج من الموضوع ده ماعرفتش
بس حاضر
طيب انا بعرف اعمل قرع عسل بالبشامل الحلو
وكمان بلح رطب بالبشامل
ورز بلبن ورز معمر بالمكسرات
وجولاش وقطايف شوفي حاجه اعملها لك قبل ماسافر

شمس النهار يقول...

*مولان
وانت كمان بتعيطي .لأ دي مظاهره بقه
خلاص خلاص ماتعيطيش
حقك عليه
شوفي حاجه حلوه انت بتحبيها ولو اعرف اعملها هعملها بس بسرعه قبل مااسافر

شمس النهار يقول...

*عمرو
اخيرا الحمد لله حد بيحب الخرشوف
رفعت من روحي المعناويه
نجهيزه سهل بينزع الورق من حوالين القاعده الصلبه
بس دلوقتي بيتباع متنظف جاهز وفرش في السوبر ماركت

صابر وراضى يقول...

وعليكم السلااااااااااااااااام
والله اول مره اعرف ان فى حاجه بتنطبخ اسمها خرشوف
وبعدين اذا قفلتى مطبخك انا هفتح مطبخى على طول
هههههههههههههههههههههههههه

شمس النهار يقول...

*صابر وراضي
السلااااااااام عليكم
كده عايز تنافسني
ماشي لما ارجع لك من الحج

ضد التيار يقول...

ايه ده بقى اختار من كلللللللللللل دول

ماهو كل حلو بقى و الاختيار صعب قووووووووووووى

عااااااااااااااااااااااااااااااااااااااا

مظاهره تانيه بقى لصعوبه الاختيار

عااااااااااااااااااااااااااااااااااااااااا

طيب عشان انتى مسافره و اكيد مشغوله

اعملى الحاجه السهله دلوقتى

بس لما ترجعى بقى اختار كلللللللللللللله

و تعملى اسبوع مخصوص للحلويات

ايه رأيك ؟؟؟

كلام على بلاطة يقول...

الدنيا دنية بتتدنى بافعالها وافعال قادتها
فلم اتمنى العيش لارى غزة وما جرى بتربتها
بشاعة وشنـــــــاعة وقسوةحتى فى ابادتها
اراضى مقدسة دنــــست بالهمجية ووحشيتها
وبشريـــــــة مريضة لاظهار عنف شراستها
فيا ارض انشــقى وابلعينا لتطهر حركتها
فلا نستحق الحياة بعد ان فقدت الدنيا براءتها
والموت لذئاب لم تفهم رسالة السماء او قراءتها

shalasco ksa يقول...

شكراااا كتير على المدونة المميزة ..تعلموا معنا اشهى الاكلات
يلنجى ورق العنب, اكلات سورية
طريقة عمل الارز الابيض

مرايتى يقول...

شكراً على المدونة و الوصفات
تابعونا لتتعلموا معنا طبخات اخرى مميزة .

من كل بلد اكلة

نصائح لمطبخ صحى