الأحد، 9 نوفمبر، 2008

بسم الله الرحمن الرحيم

الي المدونات والمدونين
ان شاء الله هنبتدي نتعلم الطبيخ مع بعض
وخصوصا البنوتات اللي داخلين علي جواز والزوجات الصغيرات همه دول همي الاكبر
احنا مش هنخترع والا حاجه احنا هنتعلم مع بعض الطبيخ العادي المصري الجميل بتعنا وبعد ما نخلصه في السكه كده نعمل شوية اختراعات علي الماشي
مش هقرا من كتاب والا حاجه انا هعمل اللي بعمله في المطبخ عندي وبرحب طبعا بكل اسألتكم واقتراحتكم
واللي عايزه تعرف حاجه معينه لو اعرف اعملها هنزلها في بوست ولو مااعرفش هسأل عليها وبعدين انزلها
هنبتدي من الصفر
زي كده لما بنتعلم لغه مش بنبتدي من الحروف الابجديه احنا هنعمل كده مع بعض وشويه شويه سنجيد لغة الطبخ
ان شاء الله بكره هنعمل اول وجبه

هناك 15 تعليقًا:

طالب ثانوى يقول...

الف مبروك ياشمس يعنى الولاد مايخشوش ولا اية

من غير عنـــوان يقول...

بصراحة ربنا دي فكرة ممتازة جدا جدا

وأكيد حتعلمينا أكل صحي

وإلى جميع الشباب
أنا ندمان إني ماتعلمتش الطبيخ من صغري...
يعني الولاد يخشوا المطبخ
بتبقى حاجة حلوة لما تبدع في أكله لمراتك وعيالك.. طبعا مش كل يوم

ربنا يوفقك يا شموسه

حلو اسم مطبخ شموسه

مشرق

ضد التيار يقول...

منتظرين اول وجبه (:

Eno يقول...

منتظرينك بكره يافندم :)

تقبلي تحياتي :)

عمرو يقول...

و باظ الريجيم يا أخوانا !!
باين كده يا شمس الواحد حايرمى الميزان و يخليها على الله مادام فيها أكل بيتى هههههه
و حياتك اٍبقى أفتكرى الأكل المغربى لو ممكن و أكون شاكر ليكى

شمس النهار يقول...

*طالب ثانوي
ازاي يدخلوا طبعا
ينوروا

شمس النهار يقول...

*من غير عنوان
ان شاء الله هنتعلم الاكل المصري العادي الاول
وبعدين نخترع مع بعض

شمس النهار يقول...

*ضد التيار
ان شاء الله دلوقتي

شمس النهار يقول...

8اينوا
ان شاء الله ادعي لي

شمس النهار يقول...

*عمرو
حاضر من عينيه
بس ده مش دلوقتي لما نتعلم الاول المصري
وبعدين رجيم ايه
خليها علي الله
انا الحمد لله رفيعه مش محتاجه رجيم

عمرو يقول...

ماشى نتعلم المصرى الأول
طيب يا شمس أنتى رفيعه و دى نعمه من الله و حافظى عليها طيب اللى زينا بقى يعمل أيه ؟

شمس النهار يقول...

*عمرو
ينظم اكله حسب وزنه وياكل كل حاجه بس مش كميات
ويتحرك كتير ويمشي

فركشاوي ..ناوي يقول...

انت عماله تطيخي وانا جعان ...ماشي يا شمس.
الف مبروك المطبخ الجديد
الاكل ببلاش هنا ولا علي الحساب
ح فركش لك الزباين ...ماش يبق لي وجبه
الله يوفقك ....

شمس النهار يقول...

*فركشاوي ناوي
اهلا بيك اتفضل
ماتبقاش جعان وانا علي وش الدنيا
نورت المطبخ

وفاء بركات يقول...

فكره حلوه أخت شمس ربنا يوفقك
ياريت مين حين لآخر تنوعي وتخشي علي اكلات من المطبخ العربي ...
وياريت إن كنتي تعرفي مقادير الكريمه اللباني وطريقه العمل اكون لكي من الشاكرين