الي المدونات والمدونين
ان شاء الله هنبتدي نتعلم الطبيخ مع بعض
وخصوصا البنوتات اللي داخلين علي جواز والزوجات الصغيرات همه دول همي الاكبر
احنا مش هنخترع والا حاجه احنا هنتعلم مع بعض الطبيخ العادي المصري الجميل بتعنا وبعد ما نخلصه في السكه كده نعمل شوية اختراعات علي الماشي
مش هقرا من كتاب والا حاجه انا هعمل اللي بعمله في المطبخ عندي وبرحب طبعا بكل اسألتكم واقتراحتكم
واللي عايزه تعرف حاجه معينه لو اعرف اعملها هنزلها في بوست ولو مااعرفش هسأل عليها وبعدين انزلها
هنبتدي من الصفر
زي كده لما بنتعلم لغه مش بنبتدي من الحروف الابجديه احنا هنعمل كده مع بعض وشويه شويه سنجيد لغة الطبخ
ان شاء الله بكره هنعمل اول وجبه
الأحد، 9 نوفمبر 2008
الاشتراك في:
تعليقات الرسالة (Atom)
هناك 15 تعليقًا:
الف مبروك ياشمس يعنى الولاد مايخشوش ولا اية
بصراحة ربنا دي فكرة ممتازة جدا جدا
وأكيد حتعلمينا أكل صحي
وإلى جميع الشباب
أنا ندمان إني ماتعلمتش الطبيخ من صغري...
يعني الولاد يخشوا المطبخ
بتبقى حاجة حلوة لما تبدع في أكله لمراتك وعيالك.. طبعا مش كل يوم
ربنا يوفقك يا شموسه
حلو اسم مطبخ شموسه
مشرق
منتظرين اول وجبه (:
منتظرينك بكره يافندم :)
تقبلي تحياتي :)
و باظ الريجيم يا أخوانا !!
باين كده يا شمس الواحد حايرمى الميزان و يخليها على الله مادام فيها أكل بيتى هههههه
و حياتك اٍبقى أفتكرى الأكل المغربى لو ممكن و أكون شاكر ليكى
*طالب ثانوي
ازاي يدخلوا طبعا
ينوروا
*من غير عنوان
ان شاء الله هنتعلم الاكل المصري العادي الاول
وبعدين نخترع مع بعض
*ضد التيار
ان شاء الله دلوقتي
8اينوا
ان شاء الله ادعي لي
*عمرو
حاضر من عينيه
بس ده مش دلوقتي لما نتعلم الاول المصري
وبعدين رجيم ايه
خليها علي الله
انا الحمد لله رفيعه مش محتاجه رجيم
ماشى نتعلم المصرى الأول
طيب يا شمس أنتى رفيعه و دى نعمه من الله و حافظى عليها طيب اللى زينا بقى يعمل أيه ؟
*عمرو
ينظم اكله حسب وزنه وياكل كل حاجه بس مش كميات
ويتحرك كتير ويمشي
انت عماله تطيخي وانا جعان ...ماشي يا شمس.
الف مبروك المطبخ الجديد
الاكل ببلاش هنا ولا علي الحساب
ح فركش لك الزباين ...ماش يبق لي وجبه
الله يوفقك ....
*فركشاوي ناوي
اهلا بيك اتفضل
ماتبقاش جعان وانا علي وش الدنيا
نورت المطبخ
فكره حلوه أخت شمس ربنا يوفقك
ياريت مين حين لآخر تنوعي وتخشي علي اكلات من المطبخ العربي ...
وياريت إن كنتي تعرفي مقادير الكريمه اللباني وطريقه العمل اكون لكي من الشاكرين
إرسال تعليق