الخميس، 20 نوفمبر 2008

كل سنه وانتم طيبين

لدواعي السفر مطبخ شموسه هياخد اجازه
بس عشان امشي وقلبي مطمن انكم اكلتم فته ورقاق هنعملهم قبل مااسافر
المقادير
*****لحمه ضاني(مش شرط)مغسوله جيدا بالملح والدقيق والخل -بصله مبشوره-7فصوص توم-ملح و فلفل اسود وورق لوري مطحون وحبهان مطحون ومستكه وجنزبيل مطحون-خل- 2كوب رز-عيش محمص بلدي-3ملعقة سمن
الطريقه
*****تنقع اللحمه من اليوم السابق او قبل الطهي بساعه في البصل والملح والفلفل الاسود
نضع كميه من الماء في حله مناسبه وبعد ان تغلي نضع البصله المفرومه وفصين توم مفرومين والفلفل الاسود واللوري المطحون والحبهان المطحون والمستكه والجنزبيل المطحون
نتركهم يغلوا دقيقتين ثم نضيف اللحم ونتركه ينضج وبعد النضج نضع الملح ونتركه خمس دقائق يغلي ثم يرفع من علي النار وينشل اللحم من الشوربه
يكسر العيش المحمص الي كسرات ضغيره ويوقلب في ملعقة سمن ثم يوضع في الفرن خمس دقائق
في حله صغيره نضع ملعقة سمن ومعها التوم المفروم علي النار وعندما يتغير لونه نضيف الخل(ملعقتين) ونقس هذا الخليط نصفين نصف نضع عليه الشوربه والنصف الاخر نضيف له صلصه او عصيرطماطم ويترك ليستوي(ودي الدمعه)
النصف الاول نضع تلتينه علي العيش المحمص ويغطي حتي يطري قليلا
في هذه الاثناء نكون عملنا الرز الابيض مثلما عملناه سابقا مع الملوخيه
نضيف الرز علي وجه العيش المغطي بالشوربه حتي يختفي العيش
تلت الشوربه الباقي نغطي به هذا الخليط ونراعي ان يتشرب وجه الرز كله
تقدم صينية الفته ومعها سلطنية الدمعه الحمراء
وبالنسبه للحمه المسلوقه ياتحمر بالسمن ياتترك مسلوقه حسب الطلب
وبالهنا والشفاء
------------------------
الرقاق
*****المقادير
******لفة رقاق -شوربه -بصله مبشوره-لحم مفروم- 5معالق سمن
الطريقه
*****ترفع البصله المبشوره علي النار مع ملعقة سمن وتقلب حتي يتغير لونها فقط يضاف اليها الشوربه وتترك حتي تغلي خمس دقائق
تدهن صينيه بالسمن وفي صينيه اخري نغمر ورقه من الرقاق بالشوربه الساخنه وعشان نحافظ عليها ساخنه تترك علي نار هادئه اثناء العمل
نضع الورقه الاولي المغموره بالشوربه في الصينيه وبفرشة السمن ندهنها بالسمن الساخن ايضا
نكرر هذا الفعل في خمس وريقات ثم نضع اللحم المفروم المعد سابقا
ثم نضع الخمس وريقات التاليه بنفس الطريقه
ثم تزج في الفرن حتي تحمر(اوعوا تتحرق)
وبالهنا والشفا
معلش حاسنه اني كروتكم وكمان ماشرحتش كويس بس مستعجله عشان عندي استعدادت كتيره للحج
كل سنه وانتم طيبين
ادعوا لي وسأدعوا لكم

هناك 25 تعليقًا:

طالب ثانوى يقول...

وانتى طيبة واوعى تنسى تدعيلى كتييييير بالنجاح ياشموسة

ضد التيار يقول...

تروحى و ترجعى بالسلامه ياشموستى

و طبعا فته و رقاق عشان العيد الكبير بقى و التجهيزات

انا بحب الرقاق بس مش بحب الفته

احم احم انا عارفه من كتر كلمه مابحبش هاترمى بره المطبخ ):

و انا منتظرة الحلويات بعد رجوعك و هانوقف المظاهرات

هاتوحشينى موووووت ):

عمرو يقول...

مش كده .. يا شمس مش كده !!
يا شمس راعى برضو مشاعر أصحابك اللى عايشين على أكل المطاعم
آل أيه و بتوع المطاعم بيحلفوا أن سيدى الحلى (مين سيدى الحلى ده ؟ ) دعا أن أكل المطاعم يبقى أحلى من أكل ستات البيوت !!!
طيب تعالى كده على مطبخ شموسه سيدى الحلى و أنت تغير رأيك ههههه

صابر وراضى يقول...

وعليكم السلاااااااااام
والله الفته دى روعه روعه
انا شكلى هاكل لحد مااموت
وفعلا اجمل حاجه من الفته لحمة الخروف
او البط
بس لحمة الخروف احسن اطعم

مولان يقول...

وانتي طيبه ياشموستىىى

وكويس انك عملتي حسابك العيد قرب

ومش تنسي تدعيلي

من غير عنـــوان يقول...

كل سنة وإنتم طيبين جميعا وأهلك وأحبابك

جعله الله حجا مبرورا وذنبا مغفورا بإذنه تعالى

مفكر يقول...

السلام عليكم::

إن شاء الله ترجعلنا بالسلامة وتنوري مطبخك بآكلاتك

بصراحةالمطبخ بيثير شهيتي،،،

لكني ما زلت لا أجرؤ على طبخ اللحمة بنفسي

ربنا يبارك في أمي،،،هي اللي متولية الحكاية دية

ربنا يوفقك في حجك آمين

مفكر يقول...
أزال المؤلف هذا التعليق.
مفكر يقول...

السلام عليكم::

هو فين أ/عمرو ،،،صاحب مدونة حبشتكنات فلسفية،،،

مدونته خالية من اي رسائل؟!!

د/ رامي شهاب الدين يقول...

تروحى وترجعى لنا بألف سلامة

دعواتك بقى لكل المسلمين

أما بخصوص الفتة والرقاق والذى منه فتسلم إيديكى عليه

دمتى بكل خير .. تحياتى الغالية

شمس النهار يقول...

*طالب ثانوي
حاضر من عينيه هدعيلك وتجيب مجموع كبير جدا جدا
بس اعمل اللي عليك الاول

شمس النهار يقول...

*ضد التيار
من عينيه هعمل لك كل اللي انت عايزاه
ومااقدرش ارميكي بره المطبخ عشان انت حبيبتي وكمان مااقدرش اشيلك
وانت كمان هتوحشيني

شمس النهار يقول...

*عمرو
اول مره اعرف موضوع سيدي الحلي ده
لطيف قوي
وبعدين مطاعم ايه بعني انا تاعبه نفسي وانت كمان تاكل من بره

شمس النهار يقول...

*صابر وراضي
السلاااااام عليكم
الحمد لله اخيرا رضيت عن اكله في المطبخ
احمدك يارب
طب اوعي تنسي صينية الرقاق في الفرن
طلعها في العيد واعزم اخوانك المدونين
كل سنه وانت طيب

شمس النهار يقول...

*مولان
طبعا هدعيلك وهدعي ان اللي حرمنا من ضي القمر والفراعنه في ايام زمان ربنا يهديه ومايعملش كده في حد تاني
هتوحشيني

شمس النهار يقول...

*من غير عنوان
الله يخليك عقبالك
كل سنه وانت طيب

شمس النهار يقول...

*مفكر
ربنا يخللي والدتك وتعملك كل اللي نفسك فيه
بس يعني ساعدها شويه
كل سنه وانت طيب
وانا كنت كتبتلك في مدونتك عن موضوع مدونة عمرو

شمس النهار يقول...

د/رامي شهاب الدين
كل سنه وانت طيب وحاول تطبق الكلام ده هتلاقيه سهل
بس خاللي بالك من الصينيه اللي في الفرن

صبرني يارب يقول...

ايه ده

على فكره دي خيانه

اول مره اكتشف مدونتك يا شمس

مدونه مطبخيه من ورايا ؟؟؟

طيب انا عندي مطبخ برضه على فكره

وتسلم اديكى على الرقاق والفته وتروحي وتيجى بالف سلامه يارب

مقتطفات من حياة فتاة يقول...

كل سنة وانتي طيبة
ويرب تروحي وترجعلنا بالسلتمة ومتنسيش الدعاء
اتمنى زيارتك لما ترجعي

BASMA يقول...

ابمووووووووووووت فى المطبخ بس الكوارع بصراحةعمرى ما كلتها ولما بشوفها بخاف منها

بوسي يقول...

روووووووعة يا شموسة
تسلم ايدك يا قمر
حج مقبول ان شاء الله وترجعى بالسلامة
اتمنا زيارتك ليا
http://nawasrehwomen.blogspot.com/

مرايتى يقول...

شكراً على المدونة و الوصفات
تابعونا لتتعلموا معنا طبخات اخرى مميزة .

من كل بلد اكلة

نصائح لمطبخ صحى

Malik Badawy يقول...

العاب بنات

rnoo يقول...

مجلة أناقة


أناقة
البشرة
الشعر
المرأة والحمل
الشعر
المرأة المسلمة
حلويات
وصفات مجربة
مكياج
فساتين
احذية
ازياء
شنط نسائية