الأربعاء، 12 نوفمبر 2008

الملوخيه

المقادير
*********
كيس ملوخيه او نص كيلو ملوخيه طاظه ومتقطفه-فراخ او لحمه-حباية طماطم واخري فلفل اخضر-فلفل اسود-كسبره ناشفه -حبهان ومستكه ولوري و3قرنفل-7فص توم-وبصله مبشوره-صلصه-ومعلقتين سمن-ملح
الطريقه
*****
اولاهنعمل الشوربه(نجيب حله ونضع في تلتها ماء ونرفعها علي النار وعند الغليان نضع البصله المبشوره مع فص توم متقطع مع الحبهان واللوري والمستكه والقرنفل والطماطمايه والفلفل الاخضر والفلفل الاسود
وبعد دقيه نضع اللحمه او الفراخ(الفراخ طبعا تكون مغسوله بالملح والدقيق والخل)
نتركهم حتي يتم النضج(في منتصف النضج يضاف الملح)
في الوقت ده نجهز الملوخيه
نغسلها لو طاظه ونخرطها
000
بعد ان يتم النضج نطلع اللحمه او الفراخ من الشوربه وكذلك الطماطمايه والفلفل الرومي
ونولع علي الشوربه اول ماتغلي نضع الملوخيه سواء المجمده او الطاظاونقفل النار ونقلبها شويه
في طاسه صغيره نضع 3فصوص توم مفرومين مع معلقة سمن بعد دقيقه نضيف الكسبره الناشفه ونقلبهم الي ان يتحول لون التوم للذهبي ترفع من علي النار وتضاف للملوخيه الساخنه (لاطغطي حتي لايتغير لونها)
---------
نرجع للحمه او الفراخ
---------
لولحمه(هنعمل دمعه)
----
نفرم 3فصوص توم ونضعها في حله صغيره مع معلقة سمن وتقلب حتي يصبح لونها ذهبي تضاف معلقتين صلصه ويتقلبوا كويس ثم نضيف اللحم ونقلب مره اخري لمدة دقيقه ثم نضيف 2كوب ماء ويفضل ان يكون ساخن ونضيف الفلفل الاسود والملح ويترك علي النار 5 دقائق فقط والطماطمايه والفلفل الرومي اللي اتسلقوا في الشوربه نضيفهم لهذا الخليط
لو فراخ
----------
لما تبرد نحمرها في خليط من السمن والزيت عشان تكون مقرمشه وطريه في نفس الوقت
او نضعها في صينيه وندهنها سمن وليمون وصلصه ونحطلها الطماطمايه والفلفل الاخضر اللي اتسلق في الشوربه وندخله الفرن لحد ماتحمر شويه
--------
الرز طبعا ابيض وعملناه قبل كده مع الباميه
وبالهنا والشفا

هناك 20 تعليقًا:

عمرو يقول...

الله ينور يا شمس
بس نسيتى حاجه .. الصوت اللى بيعملوه لما بيحطوا التوم على الملوخيه ههههه
ليه بقى ساعات تلاقى الملوخيه نازله تحت خالص ؟ هل ده عيب فى الملوخيه و لا فى الصنعه ؟

من غير عنـــوان يقول...

شكلها كده الواحد المرة الجاية حتعملي عزومة لكل المتابعين...
الله ينور

من عندي حاجه قريتها:
لجعل الليمون يعطي أكبر كمية من العصير : ضعه في ماء ساخن لمدة ساعة قبل عصره ..

لإزالة رائحة السمك من اليدين : غسل اليدين بقليل من خل التفاح

لمنع الدمع عند تقشير البصل : امضغ علكة ..

لسلق البيض بسرعة : أضف قليلاً من الملح إلى الماء ..

للحصول على مكعبات نقية من الثلج : إغلي الماء أولاً ..


أمنياتي

شمس النهار يقول...

*عمرو
لا مالييش انا في الفلكولور ده هي مش نقصه خضايض
الملوخيه تنزل تحت لو اتغلت قوي وقلبت
او اتغطت وهي ساخنه
او اتسخنت اكتر من مره
عجبتك الطريقه
ياله قوم اعملها بسرعه واتغدي

شمس النهار يقول...

*من غير عنوان
اهلا بيكم كلكم انا بحب اعمل عزومات جدا
الليمون كده بيدي عصير اكتر بس بيكون تحول كثير من صفاته لصوره تانيه
عشان السمك خل التفاح او قشر الليمون
لمنع دموع البصل مانقطعش الحته الاخيره اللي هي الشرشوب الا بعد الغسل ثم تقع بسرع طولي وتوضع في الكبه بسرع
وبعدين دموع البصل دي اصح دموع للعين
في الصعيد للأن يكحلوا العين بالكحل والبصل
ودي عاده فرعونيه اصلا
الملوخيه عجبتك

Sweet Violet يقول...

عاااااااااااااااااااااااااااااااااااااا

عاااااااااااااااااااااااااااااااااااااااااا

باميه و ملوخيه )):

عاااااااااااااااااااااااااااااااا

كده ياشموسه ):

انا عايزة نواشف بقى هه بس

مش بحب اى حاجه خضرة انا )):

صابر وراضى يقول...

وعليكم السلااااااااام

اهو الحمد لله انى لحقت المطبخ فى اوله
بس لى تعليق:
شوفى ياستى الاول خصوصا الملوخيه مش بتنفع مع اى حاجه
بمعنى انها مش بتكون حلوه مع لحمه العجول زى لحمه الخروف
وبتكون اجمل مع الارانب
واجمل واجمل مع الطيور
خصوصا البط والحمام
دى نقطه
تانى حاجه
انا مش عارف ليه يتحطى الصلصه فى الاكل ؟؟؟
يا جماعه الصلصه مش كويسه .
خلى اكلك كله فرش
انا عارف ان البنات كسلانه والصلصه اسهل
بس انا بقول راى
والظاهر انى كدا كلامى كتير
احسن حاجه ناكل ملوخيه

شمس النهار يقول...

*ضد التيار
النواشف خطر علي صحتك وعلي قولونك
لازم خضار
واعرفي ان كل اللي بتعمليه دلوقتي في صحتك مش ليكي لوحدك
ربنا جعل صحتك ليكي وللطفل اللي ان شاء الله انت مكلفه بيه وده تكريم من ربنا لينا
فيانكون قد التكريم وحسن ظن الله بينا
ياانت حره هتولدي لنا اطفال غير اصحاء لاقدر الله
كنت تحبي ماما تعمل فيكي كده
وعموما انا بحبك ومش هزعلك هنعمل بعد بكره بشامل وشوربة كريمه ماشي وصينيت فراخ

شمس النهار يقول...

صابر وراضي
صدقني انا بطبخ بالطماطم
بس نعمل ايه في الجيل الجديد
دول بيعترضوا عليه اني بطبخ بالسمن البلدي اللي بيسحه من الزبد البلدي بتعنا بتاع زمان
شوف انا بعلمهم ازاي يطبخوا
ودي الاساسيات واللي عايز يعمل علي بط يعمل واللي علي ارانب يعمل
ولو اني اشك انهم ينظفوا بط والا يغسلوا ارانب كده ويحمروها بالمستكه والسمن البلدي ويسلقوها
دول جيل التيك اواي

Sweet Violet يقول...

ربنا يخليكى ليا يارب

و انا كمان احبك فى الله

و الله ماما دايما برضه بتقولى كده و خطيبى لحد ماحسه انهم هايغتلونى من كتر مابقول مش بحب كذا و كذا

بس بحاول و الله انى اتقبل الحاجات دى بس مش دايما لان نفسى مش بتسعدنى

و خصوصا انى مش من محبى الاكل

ادعى لى انتى بس

emey يقول...

اْقولك اية جوعتينى قوى واْنا بقراْ المدونة الله يسمحك بس بجد ست بيت شاطرة ربنا يوافقك

شمس النهار يقول...

*ضد التيار
بدعيلك من كل قلبي

شمس النهار يقول...

*ايمي
نورتي المطبخ
وشكرا علي المجامله

عمرو يقول...

فهمت أنا كده
طيب الملوخيه الناشفه برضو بتتعمل بنفس الطريقه ؟

من غير عنـــوان يقول...

ملوخية جميله... بأحبها بالأرانب

دعاء يقول...

تسلم أيدك يا شموسة بجد..

انا بعرف اطبخ يعني مش وحش خالص زي ما الناس بيقولوا.

ولكن هفضل متابعة معاكي هنا علشان اعرف الحاجات الجديدة ألي معرفهاش.

وبمناسبة الطبيخ بالطماطم انا من الحزب ألي بيفضل الصلصلة بحس ان الطماطم بتطلع (صايته) وخفيفه عكس الصلصلة..

اما الزبدة البلدي وإن كانت مامتي بتبقى هتقتلني لأنها بتتعبهم ، لكني بفضلها أكثر من السمن الصناعي.

في أنتظار المزيد

أحــوال الهـوي يقول...

بعد ما تشيطي التومه علي الملوخيه شميت الريحه الله يسمحك انا ريقي جري ع الصبح
ما عندكيش بدنجان مخلل بقي

تحياتي

شمس النهار يقول...

*عمرو
لا الملوخيه الناشفه بتتعمل بطريقه تانيه هعملها لك حاضر
بس علي شرط تعملهافعلا

شمس النهار يقول...

*من غير عنوان
هي اصل الملوخيه بالارانب
بس الجيل الجديد كله مابيحبش الارانب
مره عملتها وقطعتها بحيث ما تبنش دي ايه كلوها وعمالين يسألوا دي ايه وانا والاهنا تاني يوم قلتلهم
فبقوا يكلوها بس بنفس الطريقه ومابورهمش الراس

شمس النهار يقول...

*دعاء
نورتي المطبخ
طبعا الصلصه احسن ولوان ساعات بيبقه فيها رش
بس ماتتحطش نيه تتعمل صلصه الاول وبعدين نطبخ بيها عشان ماتبقاش صايصه
امابالنسبه للزبده هي اصح حاجه بس الناس عندها فكره غلط
زمان كانوا مابيعملوش حاجه غير بيها
بس الاعلانات عملت غسيل مخ للناس
اهلا بيكي دائما

شمس النهار يقول...

*احوال الهوي
واضح ان البتنجان بقه مطلب قومي حاضر هنعمل بتنجان
من عينيه