الخميس، 5 يناير 2012

العدس :))


ايوة العدس الاصفر ده عز العدس الاصفر
الشوربة طبعا معروفة
المقادير
====
كيس عدس يقسم نصفين-ملح -فلفل اسود-كمون-جزرة كبيرة -2حبة طماطم-بصلة كبيرة -5فصوص توم حجم كبير
=====
الطريقة
===
نصف كيس العدس يغسل جيدا ويوضع في حلة مناسبة مع البصلة مقطعة اربعه والجزرة مقطعة و2 ثمرة الطماطم مقطعين اربعات وخمس فصوص التوم
تضاف كمية من الماء للخليط السابق وتوضع الحلة علي النار حتي تمام النضج
بعد ان يبرد الخليط السابق يضرب في خلاط حتي يصير كالعصير
يضاف له الملح والفلفل والكمون وممكن بعض من الكرفس الاخضر المقطع صغير
وبعض الاحيان تحمر بعض من الشعرية وتضاف للخليط ويرفع الجميع علي النار حتي تمام نضج الشعرية
===========
كشري العدس الاصفر
========
المقادير
====
نص كيس العدس اللي فوق:))-فص مسنكة-ملح -فلفل اسود -كمون- سمن -شعرية -كرفس اخضر
الطريقة
===
يضاف له كوب رز حتي يكون الخليط عدس ورز
يغسل العدس المخلط مع الرز ويصفي من الماء
في حلة تقدح سمن مع فص مستكة ويصب عليها خليط الرز بالعدس ويقلبوا بعض الوقت
يضاف ماء مغلي او شوربة لحمة او فراخ مغلية علي العدس والرز مع اضافة ملح وفلفل وكمون
ويترك حتي ينضج مثل الرز العادي
=====
ممكن الكشري يطهي في صينية وبعد ان يتشرب الماء قليلا نعمل حفر فيه وفي كل حفرة توضع بيضة نية وعلي وجهها بعض فلفل اسود
وياتغطي وترفع علي نار هادية ياتدخل الفرن
=====
فتة العدس
=====
المقادير
=====
شوربة عدس مطهوة -رز مطهواو كشري عدس مطهو-عيش محمص حسب الطلب -خمس فصوص توم حجم كبير-خل -سمن
الطريقة
====
يكسر العيش ويوضع في صينية ويصب عليه شوربة العدس الي ان يتشربها تماما
نضع علي الوش الرز او كشري العدس الاصفر
نفرم التوم ونحمره في السمن وعندما يصير دهبي فاتح يضاف الخل ويضاف بعض من شوربة العدس ويصب الخليط علي صينية الفتة
وبالهنا والشفا

هناك 18 تعليقًا:

لــــ زهــــــراء ــــولا يقول...

الله الله الله يا شمس الشموس (:

وطريقة البيض المسلوق ع البخار دي تتعمل برضة في الارز العادي بعد ما يتشرب وتغطي وتسبيه يستوي ع البخار
لولا

شمس النهار يقول...

*لـــولا وزهـــراء

اهلا اهلا لولا اول زائرة لمطبخ شموسة بعد الافتتاح التاني

موضوع بيض ورز عادي دي اول مرة الصراحة اعرفها هجربها
:))

nour alqamar يقول...

تسلم ايديكي ياقمر ..بالتوفيق ان شاء الله
تحياتى لك
نور

شمس النهار يقول...

*نور القمر

تسلمي ياقمر

ياله الي المطبخ معتدل مارش
واطبخي عدس

:))

mrmr يقول...

الله عليكى يا شمس الشموسه
دكر العدس ده ولا دكر البط وخصوصا ايام الشتاااا السقيع
بس ياريت تكونى انشط من كده واتحفينا بوصفاتك الجميله باستمرار
سلمت ايديكى

Mona يقول...

تسلم الأيادى اقمر

تقبلى مرورى

ابو المفاصل الواصل يقول...

سعدت بزيارة مدونتك
تحياتى

ابو المفاصل الواصل يقول...

سعدت بزيارة مدونتك
تحياتى

Kombil يقول...

شكلك طباخه شطره جدااااا... يااا بختو.هههه

MindEktomia يقول...

انا بحب العدس .. بس مليش فى الطبيخ :D

Unknown يقول...

مدوّنة الزّمن الجميل يسعدها أن تتقدّم لك بأحلى التهاني بالعام الجديد 2013

ŞΘ๏ŞΘ๏ يقول...

تسلم اناملك قريت من باب الاستطلاع بس لقيتها اشياء جديده وحلوه

تحياتي لروح

غير معرف يقول...

ممكن حضرت تدينا قالب مدونتك اوتدينا الموقع يلي حملتي منه القالب عشانالقالب دة بعدوخام وهو ما نبحث عنه لتطويره بشكل خفيف لو ممكن فـ جزاك الله خيرا

الآء يقول...

العدس الاصفر اكلة معروفة جدا عنا
بحبها ^_^
وبتشبهنا !!

تسلمي

تقبلي مروري
وطن

رحيق الورد يقول...

تسلم ايدك ..
سرني التواجد هنا
ياسمين

جلال كمال الجربانى يقول...

كل عام وحضرتك بخير حال وبصحه
ودمتِ سباقه بالخير والود
وما أجمل العدس بس فى عز الشتا

Gelan Hamza يقول...

الله الله أيه المدونة الجميلة دي ؟؟؟ مدونتك ريحتها مصرية جداااااااااا والله خليتينا حسينا بطعم الاكل وانتَ بتكتبي .

بجد روعة
انا من أنهارده هكون من متابعينك هنا كمان إن شاء الله لأني اساسا متابعة لمدونتك التانية وأكتشفت هنا أنهارده بس

تقبلي تحياتي

..

شركة المثالية للتنظيف يقول...



شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر